""
السلام عليكم و رحمة الله و بركاته ..
ببدأ بقصتي من اول شي يوم كنت اسمع الاغاني .. الى ان توقفت عن سماعها .. و
الحمدلله
انا حاليا طالبة جامعية ..
لما كنت في المدرسة .. كنت اسمع اغاني وايد ...
بس اللي صار .. ان يوم كنت اخر سنة في المدرسة .. قللت الاغاني .. و صرت ماسمع
لاني كنت مشغوله بالدراسة ... و لاحظت ان استطاعتي على الحفظ صارت اقوى ..
يعني قبل ما كنت اقدر احفظ وايد .. و ما كنت احب الحفظ .. و ذاكرتي ما كانت
قويه وايد .. بس لما توقفت عن الاغاني صرت اقدر احفظ و اقدر انتبه في
الدراسة..
والحمدلله تخرجت بنسبه حلوه
بس اللي صار .. اني رديت اسمع اغاني .. لان صار عندي كمبيوتر و صرت انزل
اغاني
بس في يوم .. دخلت احدى المنتديات و حصلت مواضيع عن شروق الشمس من الغرب في
المريخ
و شفت صورة انشقاق القمر ..
و قريت قصة شاب كان يسمع اغاني و لما توفى صار يطلع صديد من اذنه..
كل هذي القصص اثرت فيني ...
شو اللي سويته ؟؟
مسحت كل ملفات الاغاني من الكمبيوتر عشان ماسمع .. و صرت مادخل مواقع الاغاني
..
و كل ما يوسوس لي الشيطان عشان اسمع اغاني ..
اقول في نفسي "أغاني الجنة أحلى"
و جربوها اخواني و اخواتي .. بتنفعكم وايد ,,
و الحمدلله حياتي بدون اغاني احلى ..
و استبدلت الساعات اللي كنت امضيها في سماع الاغاني .. بقراءة القران و
الاستغفار ..
لان الاغاني ما تنفع لكنها تضر ..
و كلنا نعرف ان الساعه آتية و هي قريبة جدا ..
فاتمنى من كل من يدخل هذا الموقع و هو لا زال يسمع اغاني ..
انه يتوقف عن سماعها .. و لو ماقدرتوا ..
جربوا بس لاسبوع .. و شوفوا كيف حياتكم بتتغير للاحسن ..
وكل ما وسوس لكم الشيطان تذكروا "أغاني الجنة أحلى" هذي الدنيا مامنها فايده
صح ان مغرياتها كثيره .. بس نحاول قد ما نقدر ان نجتنبها ,, لان الاخرة هي دار
البقاء و القيامه آتية .. فلا تضيعون وقتكم في اشياء ما تفيد .. لان التحسر ما
بينفعكم .. و
تعرفون ان ما تقبل التوبه اذا ظهرت الشمس من الغرب ..
فتخيلوا اخواني .. لو اشرقت الشمس من الغرب و انتوا بعدكم غارقين في المعصيات
و في سماع الاغاني ..
مافي انسان في هذي الدنيا بينفعكم يوم الحساب ..
و لاتنسون اخواني و اخواتي ان ربنا انعم علينا بنعم كثيره و اولها نعمة
الاسلام .. الحمدلله على نعمة الاسلام ..